The Tramps spelar opp til utedans på Skjolden Brygge
- Laurdag 29. mai
- kl.21.00 - kl.02.00
- Billettsal frå kl.20.00 i porten
- inngang før kl. 2300 kr.200,-
- inngang etter kl. 2300 kr.250,-
- Aldersgrense 18 år. Legitimasjons plikt
Bryggedansen er ein ny tradisjon som truleg er kommen for å bli. I år kjem Stavanger-gruppa ”The Tramps” til Skjolden og vil garantert sørge for at folk får svinga seg . Desse karane er eit unikum på scenen og har spelt saman sidan 1994. Dei høyrer til innan irskinspirert musikk og folkrock, men har dei seinare åra også inkludert amerikansk folkrock/country. I tillegg til A-liste hitar, har dei mykje eigenprodusert materiell inspirert av folkrock band som Fairport Convention, Waterboys og The Dubliners.
”The Tramps” har gitt ut 5 cd’ar og består av profesjonelle musikarar med lang fartstid innan dei ulike deler av musikkmiljøet i Noreg. Dei har hittil gjord langt over 1000 konsertar gjennom mange Norgesturnear frå nord til sør.
Rune Larsen (vokal), Dag Sindre Vagle (bouzooki, fløyte, vokal), Hans A. Wassvik (bass), Stian Tønnesen (mandolin, vokal), Frank Eriksen (gitar), Morten Jackman (trommer).
Vi har sett dei på tv, høyrt dei på radio og kanskje også høyrt dei på konsert. No kan sogningar og andre snart danse til dei på Skjolden Brygge! Her blir det jiggs, reels, rock og country ved Lustrafjorden.
Du kan lesa meir om The Tramps på Web-sida som dei har, der er det også smakebitar på musikken som dei spelar.
Ein dugnadsgjeng arbeidar for at du skal ha ei fin oppleving på Skjolden denne helga. Set av siste helga i mai og kom!
Sjå også websida til Skjolden Brygge